كۆمەڵەی بەرگری لە مافی زامدارانی چەكی كیمیاوی بەشداری چواردەهەمین كۆنفرانسی ساڵانەی OPCW دەكات

‌‌ئەمساڵیش وەكو ساڵانی پێشو ,شاندێكی ڕێكخراوی قوربانیانی كیمیاوی شاری سەردەشت كە پێك هاتبوون لە بەڕێزان "حاجی ڕەحیمی كەریمی واحێد,سیروانی حەداد,ساڵەحی عەزیز پور ئەقدەم"بەشداری كۆبونەوەی ساڵانەی ڕێكخراوی جیهانی قەدەغە كردنی چەكی كیمیاویان كرد لە شاری لاهای وڵاتی هۆڵەند.
چالاكییەكانی شاندی سەردەشت لەم ساڵ بریتی بوون لە:
-كردنەوەی پیشانگایەك بۆ وێنەی قوربانیانی كیمیابارانی شاری سەردەشت.
-چاوپێكەوتن لەگەڵ بەرێوەبەری گشتی داهاتوو (كە توركە)و رئێستای ڕێكخراوەكە , هەروەها دیدار لەگەڵ شاندەكانی بەشداربوو.یەكێك لە داواكارییەكانی كۆمەڵەی بەرگری قوربانیانی شاری سەردەشت بۆ بەڕێوەبەری گشتی بەشدار پێكردنی شاری هەڵەبجە بووە لەم كۆنقرانسە ساڵانەیە.و بە نێوكردنەوەی جێگایەك بە ناوی شاری سەردەشت لە بارەگاكەی .
- چاوپێكەوتن لەگەڵ باڵوێزی ئێراق وە داواكردن لەو بۆ كار ئاسانیكردنی بەشداریكردنی كۆمەڵەی قوربانیانی هەڵەبجە وەك ئەندامێكی چاودێر لەو كۆنفرانسە.
هەروەها بەشداریكردن لە دانیشتنی تەواوی NGO كانی كە لەو كۆنفرانسە بەشداریان هەیە و بەیاننامەیەكیان پێشكەشی ئامادەبووان كرد.؟كە كۆبونەوەكە لە ڕۆژانی 2و3 ددیسامبەر بەڕێوەچوو ,بەرنامە و پەیڕەوی ناوخۆی ڕێكخراوێكی جیهانی دژ بە چەكی كیمیاوی پەسەند كرا.
كۆمەڵەی قوربانیانی شاری سەردەشت یەكەم ڕێكخراوی كوردییە بەشداری كۆبونەوەی ساڵانەی ئەم ڕێكخراوەو پشكداری لەدامەزراندنی ئەو ڕێكخراوە نوێییە دەكات,كە بارەگاكەی لە شاری واشنتۆن دەبێت.
ئەوەی شایانی باسە ساڵانی پێشوو كاك عەلی ڕەحیمی وەكو باڵوێزی شاری هەڵەبجە خەم و دەنگی هەڵەبجە بوو لەو كۆنفرانسە,وەلێ ئەمساڵ بەهۆی نەخۆشی كوشندەوە لە ناو جێگا كەوتووە نەیتوانی بە ڕۆڵی خۆی هەڵبستێت.
ئەوەی شایانی باسە دەیان جار بە خۆپیشاندان و نامە ناردن چاودێری كوردۆساید داوای بەشداری شاری هەڵەبجەیان كردووە لەو كۆنگرەیە,پێی دەچێت هەوڵەكان بە ئەنجام گەیشتبێت و كۆبونەوەی داهاتوو هەڵەبجە لەكۆنگرە ئامادە بێت.
پەیامنێری ماڵپەڕی كوردۆساید لە ناو كۆنگرەی 14 ی OPCW