پێشێلکاریه‌کانی سه‌روه‌ری ده‌سگاکانی دادوه‌ری ره‌تده‌که‌ینه‌وه‌.

‌‌یه‌کێک له‌ پرنسیپه‌ به‌ هێزه‌کانی دیموکراتیه‌ت پارستنی مافی مرۆڤ و بوونی ده‌سگایه‌کی دادوه‌ری سه‌ربه‌خۆ و بێلایه‌نه‌، که‌ هه‌ر خۆی له‌ خۆیدا به‌شیكی هه‌ستیار و دیاری ده‌سه‌ڵاتی جێبه‌جێکردن و په‌یوه‌ندیدار به‌ ده‌سه‌ڵاتی یاسادانانه‌(په‌رله‌مان). به‌ بێ بوونی سه‌ربه‌خۆیی ده‌سه‌ڵاتی یاسا دانان و ده‌سگاکانی دادوه‌ری ناکرێت قسه‌ له‌ مافی مرۆڤ بکرێت، کاتێک که‌ یاسا و دادوه‌ری سه‌ربه‌خۆ نه‌بوو! مافی مرۆڤیش ده‌که‌وێته‌ ژێر پرسیاره‌وه‌، که‌ مافی مرۆڤیش که‌وته‌ ژێر پرسیاره‌وه‌ دیموکراتیه‌ت ده‌که‌وێته‌ ژێر پرسیاره‌وه‌ و دواتریش حکومه‌ت و ده‌سگاکانی به‌ڕێوه‌بردنیش ده‌که‌ونه‌ ژێر پرسیاره‌وه‌ و ترسی دروستبونی حوکمی تۆتالیتاری و دیکتاتۆری ده‌که‌وێته‌ دڵی خه‌لکه‌وه‌. به‌ پێی ئه‌و ڕاگه‌یاندنه‌ی پارێزه‌ران و ماف په‌روه‌ران که‌ له‌ خواره‌وه‌ دانراوه‌ و رۆژنامه‌ی هاوڵاتی بڵاوی کردۆته‌وه‌، ئه‌وه‌ پێشێلکاریه‌کی ته‌واوی سه‌ربه‌خۆیی ده‌سگاکانی دادپه‌روه‌ریه‌ که‌ حیزبه‌کان ده‌سوه‌رده‌ده‌نه‌ کاروبار و هه‌ڵبژارندنه‌کان و تاقیکردنه‌وه‌کانی دادوه‌ران و یاسا ناسانه‌وه‌.
بۆیه‌ ناوه‌ندی چاک، له‌ هه‌ستێکی مرۆڤ په‌روه‌ری و نیشتیمان په‌روه‌ریه‌وه‌و وه‌ک ڕێکخراوه‌ێکی مه‌ده‌نی و به‌رگریکار له‌ مافی مرۆڤ،‌ ڕایده‌گیه‌نێت که‌ ئه‌م پێشیلکاریه‌ی سه‌روه‌ری ده‌سگاکانی دادپه‌روه‌ری ڕه‌تده‌که‌ینه‌وه‌. له‌ هه‌مان کاتیشدا داواکارین له‌ سه‌رۆکایه‌تی هه‌رێمی کوردستان و په‌رله‌مانی کوردستان به‌ زووترین کات بچن به‌ ده‌م سکاڵای دادوه‌ران و ماف ناسانه‌وه‌‌ بۆ دوورخستنه‌وه‌ی ده‌ستی حیزبه‌کان له‌م ده‌سگا هه‌ستیاره‌دا و رزگارکردنی ده‌سگاکانی دادوه‌ری له‌ ده‌ستی مۆنۆپۆلکردنی حیزب ‌و سیاسه‌تاویکرنیه‌وه‌. به‌سیاسیکردنی یاسا ناسان و ده‌سگاکانیان ژیانی ئاسایی سه‌رجه‌م خه‌ڵکی کوردستان تا ده‌گات به‌ هه‌موو جومگه‌ و بواره‌کانی په‌روه‌رده‌ و ئابوری و دارای و کولتوری سیاسه‌تاوی ده‌کات و سه‌رجه‌م ژیان ده‌بێت به‌ سیاسه‌ت و حیزبایه‌تی.
پشتیوانی ته‌واوی پارێزه‌ران ده‌که‌ین بۆ داوکاریه‌که‌یان و هیوادارین به‌ ئه‌دایه‌کی یاسایی و ماف ناسیی خۆیانه‌وه‌ هه‌موو راستیه‌کان بخه‌نه‌ روو و هیچ پیشێلکاریه‌ک قبوڵ نه‌که‌ن له‌ کاروباره‌کانیاندا.
ناوه‌ندی چاک، دژ به‌ ئه‌نفالکردن و جینۆسایدی گه‌لی کورد ـ چاک
www.chak.info chak.org@gmail.com