جەنابی سەرۆك بۆ نەتپرسی؟/ نیگار حمد علی

‌‌كاتێ‌ ئەم نامەیە دەنوسم هیوا خوازم جەنابی سەرۆك چەند جارێك بیخوێنێتەوە و دواجار وەڵامێكیشی هەبێت , ئێستاش دەپرسم؟ دەبێ‌ لەم سەردانەت رۆژی شەممە (26_12_2009) بۆ دەفەری ڕاپەرین دڵی چەندانت خۆش كردبێت و وە هی چەندانت ئازار دابێت و ئەوەندەی تر ڕەنجا بێت؟ یان وەڵامی چی و چەندان دەدەی لەسە ردانێكی 6 سەعاتیدا ..وە كێت بینی ؟ و كێت فەرامۆش كرد ..زۆر داوا پێشكەش كراو زوریش بە دعوەت نامەی تایبەت ئامادەی كۆبونەوەكە بون و زۆریش بێ‌ دەعوەت نامە لەبە ر دەرگای هۆڵ چاوەڕوان بوون لە فرسەتێ‌ بچنە هۆڵ و داواكاری پێشكەش كەن ..
لە چاوەروانی ئەم هەموو میللەتە و داوا كاری و سەردانیكی 6 سەعاتی جەنابی سەرۆك دوای سیانزە ساڵ
دەبێ‌ چی بڕوێنێ‌؟ لە میانەی ووتارەكەت دا زۆریشت باسی پرۆژەی جوان و خزمەت گوزار كرد و پەیمانی هەندێكیت دا بەڵام هیچ باس لە بواری ژنان و توندوتیژیەكان و ئەم هەموو حاڵتە سوتان و كوشتنە نەكرا.. بە هەرحاڵ تا ئێرە ...
جەنابی سەرۆك بۆ نە تپرسی كوا ؟؟ كوا رێكخراوەكانی ژنان و كۆمەڵگەی مەدەنی و سەنتەرو داكۆكی كاران و چالاكوانی بواری ژنان؟؟كوا شوێنیان ؟ كوا پێشنیاریان ؟؟ كوا دواكاریان ؟؟؟ لە كوێن ؟؟
بۆ نەت پرسی لە ئامادەیی ڕیژەی ژنان لە هۆڵەكە و نەبونی دەنگیان؟ بۆنەتپرسی لە ڕۆحی ئەم هەموو ژنانەی كە تا ئیستەش چاوەرێ‌ بوو تۆ لەم دەفەرە مافیان بۆ وەرگریەوە و لایەك بكەی بەماڵە سارد و پڕ خەمەكانییان .یان تاوانبارانیان سزا بدەی كە ئێستەش ئازادانە لە هەرێمی تۆدا دەسورێنەوە و لەگەڵ ڕوودانی هەموو حاڵەتێكی توندوتیژی بە لێشاو ڕەخنە و پرسیار ئاراستەی ئەم ِرێكخراوانە دەكرێت . لەبەرامبەردا خۆبەش كار دەكات و سنوری كاریش دیاری كراوە ..بێ‌ ئاگا لەوەی كە سەرۆكی عیراق و سەرۆكی هەرێم و چەندان وەزیرو بەرپرس و جێگر دێن و دەڕۆن و سەردان دەكەن ,, بەڵام هیچ كامیان تائێستەش تەنها جارێك بانگهێشتی ڕێكخراوەكانی ژنان نەكراوە و لە دیاردەی توندوتیژی دژی ژنان و جۆرەكانی كۆبونەوەیەك ئەنجام نەدراوە , لە كاتێكا هەموو دان بەو راستیە دادەنێن كە ریژە ی ژنان زۆر زیاترە و لە سەر ئاستی عیراق %60 و نیوەی كۆمەڵ زیاترە , بێ‌ گومان لەم دەفەرەی ئێمەش ِڕێژەكە و دیاردەكەش زیاترە
,ئاشكرایە كە ووڵاتانی دەرەوەش بەم ڕاستیە ئاشنا ن ... بەڵام هەموو بێ‌ دەنگن ..
زۆر بەداخەوە تۆش بێ‌ هیوات كردین و دەرگای تۆش بە داخراوی مایەوە بەڕوی نوێنەرانی چین و توێژێكی زۆر حەساس و كاریگەر لە كۆمەڵگەدا ... جەنابی سەرۆك دوای 13 ساڵ تۆ بڵی ی ئاگات لەم هەموو زانیاریە نەبیت كە رۆژانە ڕووپەری ڕۆژنامەكان و ڕاگەیاندنەكان دەری دەخەن ؟یان چەندین ڕاسپاردەی كۆنفراس و پلات فۆرم و كونگرەكان بەدەستت نەگەیشتبێت ..؟
ڕێكخراوەكانی ژنان بەتایبەت هیچ كات بەدوای بەرژەوەندی تایبەتی خویان نین و هیواو ئاواتیان تەنها بەختەوەری كۆمەلگەیە و گەڕانەوەی ژیانی سروشتی و ئاسودەییە بۆ خێزانەكان ..هەر بۆیە جێی خۆیەتی بە جدی لە كابینەی شەشدا لایان لێ بكرێتەوەو گویێیان لێ بگیرێت و لەخەم خەمەكانیان دا بن ....