نێزیكەى 20% ئەوروپاییەكان بەگەنج دێنە ئەژمار

‌‌بەپێی توێژینەوەیەكی دامەزراوەی (یورو ستات)، پتر لە 19% خەڵكی وڵاتانی ئەوروپایی تەمەنیان لە نێوان 15 بۆ 29 ساڵیدایە و بەچینێكی لاو دێنە ئەژمار.
تۆڕی هەواڵی (سكای نیوز)، رۆژی سێشەم ئەنجامی توێژینەوەكەی بڵاو كردووەتەوە، لە ساڵی 2008 زۆربەی توێژی لاوانی ئەوروپا دانیشتووی وڵاتانی ئیرلەندا، سلۆڤاكیا و پۆڵەندان و ئەو سێ وڵاتە گەنجترین توێژی دانیشتووانی یەكەتی ئەوروپایان لەخۆ گرتبوو.
بەپێی سەرچاوەكە، ژمارەی لاوانی وڵاتانی ئیتاڵیا و دانیمارك 17% كەمتر لە سێ وڵاتەكەی ترن كە ئاماژەیان پێ كرا و تەمەنی زۆربەی خەڵكی ئەو دوو وڵاتە سەرووی 29 ساڵیە.

لێكۆڵینەوەكان ئاماژە دەكەن، لاوانی ئەوروپایی و بەتایبەت كوڕان كەمتر حەز دەكەن لە خێزانەكانیان دوور بكەونەوە و ئامادەن تا تەمەنی 23 ساڵی لە تەنیشت دایك و باوكیان ژیان بەسەر ببەن، بەپێی هەواڵەكە.

بەپێی توێژینەوەی دامەزراوەی (یورو ستات)، باش نەبوونی باری دارایی و ئابووری لاوان بەهۆكاری سەرەكی مانەوەی گەنجان لەگەڵ دایك و باوكیان دادەنرێت و نێزیكەی 44% لاوانی ئەوروپایی خاوەنی سەربەخۆیی دارایی نین و ناتوانن ژیانَكی تایبەت بەخۆیان پێك بێنن.

هەژیی گۆتنە، بێكاری كێشەی سەرەكی ئەوروپایە و بەپێی ئامارە ڕەسمییەكان ساڵی ڕابردوو 20% لاوان بێكار بوون و بەتایبەت ئەو چینە كە زیانی پتریان لە نەبوونی كار پێ دەگات.

لە (ئاكانیوز) وەرگیراوە