وێنه‌که‌ی باوکم,کارێکی هاوبه‌شی چوار کۆمپانیای به‌رهه‌مهێنانی فیلم

‌‌فیلمی"وێنه‌که‌ی باوکم" له‌ نوسین و ده‌رهێنانی ده‌رهێنه‌ری فیلم کار ئالان ئه‌مین ه،‌ وه‌ له‌ 23/1/2010 کاری وینه‌گرتنی ده‌ستی پێکردووه‌ ئه‌م به‌رهه‌مه‌ کارێکی هاوبه‌شی چوار کۆمپانیای به‌رهه‌مهێنانی فیلمن ئه‌وانیش: (ناوه‌ندی داهێننای فیلمی کوردی، ڕیڵ فیلم پرۆدوکشن، فلاش فیلم پڕۆدوکشن و پرۆ کام) ن، چاوه‌ڕوان ده‌کرێت که‌ 14/2/2010 کاری وێنه‌گرتنی ته‌واو بێت.
ئه‌م فیلمه‌ ماوه‌ی ساڵ و نیوێك ده‌بێت ئالان ئه‌مین به‌ هاوبه‌شی دوو نوسه‌ری تری به‌ریتانی ستیڤ باڵشۆ و ئه‌توسا پاجاند سه‌رقاڵی نوسینی سکریپته‌که‌یه‌تی و له‌ ماوه‌ی سێ مانگی ڕابردوو دا کاری (پری پرۆدوکشن) خۆ بۆ ئاماده‌کردنی بۆ کراوه‌و کرو یه‌کی 28 که‌سی کاری(پرۆدوکشن) وێنه‌ گرتن و (پۆست پرۆدوکشن)ی ڕاده‌په‌ڕێنن.
فیلمی "وێنه‌که‌ی باوکم" چیرۆکی ژیانی جاك ده‌گێڕێته‌وه‌ که‌ مناڵێکی ته‌مه‌ن 12 ساڵانی به‌ریتانی یه‌ که‌ باوکی به‌ جێی دێڵێت و ده‌ڕوات بۆ عێراق بۆ شه‌ڕ وه‌ك سه‌ربازێکی به‌ریتانی، شه‌ڕی ڕزگارکردنی عێراق کۆمه‌ڵگای به‌ریتانی ده‌کات به‌ دوو به‌ره‌وه‌ به‌ره‌کی له‌ گه‌ڵ شه‌ڕه‌که‌دایه‌و به‌ره‌که‌ی تر دژێتی ئه‌مانه‌ هه‌موو کاریگه‌ری ده‌روونی له‌ سه‌ر جاك دروست ده‌که‌ن، به‌ جۆرێك ژیانی پڕ ده‌بێت له‌ روودای کتووپڕی وه‌ها که‌ ئه‌م مناڵه‌ هه‌رگیز بیری لێنه‌کردونه‌ته‌وه‌، ئاشکرابوونی نهێنیه‌ یه‌ك له‌ دوای یه‌که‌کان له‌ ژیانی جاك دا جاك به‌ مناڵی گه‌وره‌ ده‌که‌ن، ئه‌مانه‌و چه‌نده‌ها دیمه‌نی سه‌رنج ڕاکێشی تر خۆی بۆ جاك حه‌شار داوه‌ له‌ فیلمی "وێنه‌که‌ی باوکم" دا دێنه‌ بینین.
ئه‌م فیلمه‌ به‌ فۆڕماتی هێچ دی وێنه‌ ده‌گیرێ له‌ گه‌ڵ به‌ کارهێنانی لێنسی 35مم، سه‌رجه‌م فیلمه‌که‌ به‌ زمانی ئینگلیزی ده‌بێت و 45 ئه‌کته‌ر به‌شداری تیا ده‌که‌ن، به‌ هاوبه‌شی دوو ئه‌کته‌ری کورد.
ئه‌م فیلمه‌ له‌ سه‌ره‌تای مانگی ئازار دا کاری ئیدیتنگ و موزیك و ده‌نگی ته‌واو ده‌بێت و ئاماده ده‌بێت بۆ ناردنی بۆ فیستیڤاڵه‌ نێوده‌وڵه‌تیه‌کان و فیستیڤاڵه‌ کوردیه‌کان.
"ئالان ئه‌مین" ئه‌م فیلمه‌ خوێندنه‌وه‌یه‌کی نوێیه‌ بۆ ئازاره‌ هاوبه‌شه‌کان و چونه‌ ناو ژیانی مناڵان و گوێبیست بوونیانه‌ تا بزانین چۆن ده‌رواننه‌ شه‌ڕێك که‌ هه‌ر له‌ مناڵیه‌وه‌ په‌لکێشی ناو گڕ و بڵێسه‌ی خۆی کردوون.
"ئالان ئه‌مین" وێنه‌که‌ی باوکم هیواو ئاره‌زووه‌ نادیاره‌کانی مناڵانه‌ که‌ ئه‌مڕۆ ئاره‌زوی ئاشتیانه‌ و سبه‌ی ده‌بنه‌ هۆی درێژه‌ پێدانی شه‌ڕێك بۆ مان به‌ جێماوه‌ نه‌وه‌ دوای نه‌وه‌.
کروی ئه‌م کاره‌ پێکهاتوه‌ له‌:
ئالان ئه‌مین/ ده‌رهێنه‌ر و نوسه‌ر دایرێکته‌ر
ساندرا جاپمان به‌ڕێوه‌به‌ری به‌رهه‌م پرۆدوسار
ڕیچارد تۆماس/ به‌ڕیوه‌به‌ری وینه‌ گرتن دی ئۆ پی
یاریده‌ده‌ری یه‌که‌می ده‌رهێنه‌ر/ جه‌سیکا ڕاتکلیف
فۆکس پوڵه‌ر/ ستیفانی نوردحانسجا
ده‌نگ هه‌ڵگر/ لی شارپ
یه‌ریده‌ده‌ری کامه‌را/ ماریکا مککاولسکی
دووه‌م یاریده‌ده‌ری ده‌رهێنه‌ر/ سۆران عه‌بدولکه‌ریم
گافه‌ر/ ماتیو ریلی، عه‌زیز ڤۆرا
سپارك/ یونس عه‌زیز، سیم باڵا، بین و سینکلایر
فۆتۆگرافه‌ر/ کڵیفڵن برادی
چل وبه‌رگ/ لۆراین جۆنس
گریپ/ عه‌لی ده‌ربه‌نی
به‌ڕێوه‌به‌ری کاست/ بورهان موهه‌مه‌دی