سایتی لێدوان سوپاسنامەیەكی تایبەتی لە لایەن یه‌كێتی هاورده‌ و ناردنكارانی هه‌رێمی كوردستانەوە پێدەدرێت

‌‌رۆژی چوار شه‌ممه‌ 21/4/2010 یه‌كێتی هاورده‌ و ناردنكارانی هه‌رێمی كوردستان به‌بۆنه‌ی 112 ساڵه‌ی رۆژنامه‌گه‌ری كوردی 71 ده‌زگا و رۆژ نامه‌نوسی ناوخۆیی و عه‌ره‌بی و بیانی له‌شاری هه‌ولێر خه‌ڵات كرد.
له‌وباره‌یه‌وه‌ شێخ مسته‌فا عه‌بدولره‌حمان سه‌رۆكی یه‌كێتی هاورده‌ و ناردنكارانی هه‌رێمی كوردستان رایگه‌یاند:"ئامانج له‌م رێوره‌سمه‌ رێزگرتنه‌ له‌ ماندووبونی رۆژنامه‌نوسان و ده‌زگاكانی راگه‌یاندن ، كه‌ ئه‌وان به‌شه‌ونخونی و هه‌وڵی به‌رده‌وامیان هه‌واڵا و چالاكیه‌كانی رێكخراوه‌كه‌مان و چالاكیه‌ ئابوریه‌كان به‌ تایبه‌ت بواری هاورده‌ و هه‌نارده‌یان روپێو كردووه‌ و بڵاویان كردۆته‌وه‌ ، بۆیه‌ ئێمه‌ وه‌ك ده‌ستپێشخه‌ریه‌ك ، رێكخراوه‌كه‌مان بریاریدا به‌ خه‌ڵاتێكی ره‌مزیش بێت به‌سه‌ریان بكه‌ینه‌وه‌ ، هه‌رچه‌نده‌ به‌ ده‌یان خه‌ڵات و رێزگرتنی دیكه‌ ناگاته‌ ئاستی پیرۆزی و ماندووبونیان ، به‌ڵام ئه‌مه‌مان پێ‌ باشتره‌ له‌ پشت گوێ‌ خستن " ئەمەو رۆژی 21/4 لە رێورەسمێكی تایبەتدا‌و بە ئامادەبونی رێژەیەكی زۆری رۆژنامەنوسان‌و كەناڵەكانی راگەیاندن‌و نوێنەری قونسوڵخانەكانی دەرەوەو سەرپەرشتیارانی یه‌كێتی هاورده‌ و ناردنكارانی هه‌رێمی كوردستان مەراسیمی دابەشینی خەڵات‌و بروانامەی رێزلێنان پێشكەشی كەناڵەكان كرا كە تێیدا سایتی لێدوان خەڵات‌و بروانامەیەكی تایبەتی پیدرا. لەو بارەیەوە بە ناوی ستافی لێدوان سوپاسی یه‌كێتی هاورده‌ و ناردنكارانی هه‌رێمی كوردستان دەكەین بۆ ئەو بەسەركردنەوەیە